في الثانوية بمنطقة الشرقية بالخبر تحديدا كان راشد ومعاذ بنفس الحي من يوم هم صغار ومع بعض من الابتدائي للتخرج الثانوي وآلفو على بعض وصاروا أكثر من الإخوان بذات إن معاذ وحيد أبوه وأمه وراشد عنده ثلاث أخوات ..
الجزء (1)معاذ..راشد ترانا قربنا ننتهي..
راشد.. الله يكفينا شرك وش ننتهي
أقصد يا غبي الدراسة خلصت ما بقي إلا أجازة الصيف تجمعنا وبعدها طريقي لتبوك ادرس هناك ولا ناسي
راشد منزل رأسه والله انك غثا لا تجيب ها الطاري مرة ثانيه أكيد أنشاء الله نتقابل
وقام كل واحد ورد لبيته
وفي اليوم الثاني تو الناس بالظهر إلا ومعاذ ناط قدام بيت راشد يطق الباب بقوة
رااااشد رااااشد اللي يسمعه يقول لاحقه واحد ب يقتله
وينادي راااااااشد قوم فز بطايق الدخول بتخلص وتفوتنا المباراة
قام راشد وهو ناااااوي يصفقه....
بدري يا طويل العمر بدري,,,,
قام معاذ يهزئ ويعطي كم زفه لأنه هو عنده سيارة وراشد لا
وقام راشد المسكين على صراخ معاذ المعتاد توضأ وفرش أسنانه ولبس وصلى واستأذن..
وطبعا بدون مقدمات راشد حونشي عطا معاذ كف جامد خلاه ما يصيح مرة ثانيه.. بس معاذ ما يتوب أبدا
و تحركوا وهم بطريق أخذتهم السوالف وسكت شوي راشد وطالع ب معاذ وقاعد يتكلم و كأنه يكلم نفسه
معقولة محد بيجي يا خذني من البيت و يصارخ عند الباب عشان مباريات الغثا ولا معقولة الحارة ما فيها عزوتنا وأهلنا كذه فجأة بتروحون تدري يا معاذ إني راح افتقدك أكثر من أي شي ثاني
معاذ كاتم الضحكة قام يقلد صوت راشد امس
والله انك غثا لا تجيب ها الطاري مرة........
وما حس معاذ إلا و برأسه في القزاز قول أسف والله ما فكك قول يا رااااشد وخر عني خلني اعرف اسوق طيب قول اسف و أتركك
وقالها وهو معصب اسف
يلعن ابليسك قاعد اسوق ما تعرف السلامه
وصلوا للملعب ولمن وصلوا بصوت وااااحد
أوووووه وش ذي الزحمه
وقدروا ياخذون تذاكر وبالقوة ..ودخلو الملعب وكالعادة تضاربو على المكان لين زفهم شايب زفه معتبره خلتهم ينثبرون
الجزء(2)
نتيجة المباراه.... فاز طبعاً فريقهم اللي ما يهزم أبدا
طلعو من الملعب بعد ما خبصو في وجيههم بالوان فريقهم واخذوا يشجعون بالاعلام.. واصوات البواري العاليه.. ومشيو مع الموكب لين وصل الفريق لمقر النادي وسهرو لين 3 الفجر ورجعو كل واحد لبيته مرهقين .....وصٌل معاذ راشد لبيته بس قبل ماينزل سأله معاذ..ليش يا راشد لمن دق جوالي وكلمت وشوي فجأه تغيرت ملامحي ولا سألت وش فيني؟؟
قال بكل بروووود لان النغمه لابوك وانا قلت اكيد ابوك اعطاك تهزيئه جامدة عشان كذة ما سالت ضحك معاذ بسخريه قام قال راااااشد تعرف انك افضل صديق واروع البشر عندي ((انت))
ابتسم راشد قام يقول بصوت قريب من صوت معااااذ
وتدري أنك أفضل وأروع واعز صديق خبل عندي
قامو يضحكون ويتريقون بس كان معاذ عيونه ملياااااااااانه دموووع ولأن راشد تؤام روحه أنتبهله
وصرخ..معـــــــــاذ
رد برود..نعم
شايف شي مايرضيني وكاتم بصدرك ومخبيه ياسلااااام وهذا وانا اعز صديق عندك لو كنت مجرد صاحبك كان وش كنت جماااد
معاذ حاول يضحك بس دموعه وألم القدر اقوى منه لف راسه على القزاز وتنهد بقوه كان قلبه بيخرج مع تنهيدته
جن راااشد وخرج من السياارة وفتح باب معاذ بقوة وجره من تيشيرته وطلعه وطالعه وكل عيونه شر
بسرعه اللحين تقولي مين تجرأ وضايقك مين خلى دمعتك تنزل
معاذ بعصبيه... وخر عني يا راشد تكفى اللي فيني كافيني
راشد وهو هادي شوي تخبي علي تخبي على اعز صديق عندك على اخوك ..طيب قلي وش السبب واوعدك ما اسوي شي((وفي نفسه يكذب))
طالع فيه معاذ وبتسم ابتسامه شقرا راشد تحسبني معرفك العبها على غيري ياحبيبي
راشد عصب وقام يسب ويتوعد اللي ضايق معاذ ومسكه معاااذ وصرخ فيه اسكت رااشد لاتقول ولا كلمه لأنك وبكل بساطه.. اللي تتوعده حرام تتوعده ومو من مقااامك ولا تقدر تسويله شي هو يقدر يسويلك أي شي عشان كذة اسكت وخل عنك السب..
راشد وهو شوي مصدوم ويبعد عن السيارة ؟؟
معااااااذ تتوقع أني مقدر أخذ ثارك تتوقع اني ضعيف له درجة طيب ليش ماكنت بالاول تشوفني بها المنظار....
قلي صح... يمكن صار صديقك اكثر مني لدرجة انك ماتبي شي مني وتجيب طاري الفراق كثير قل ان الدموع هذي لانك ما تقدر تتجرأ وتقول لصديق عمرك انا مليت منك ولقيت شخص اجدع مني مراااح ازعل قالها وحلقه ممتلي دموع قول يامعاذ منت مجبور على صحبتي ولا بتجراء وأذيك,,..,,
طالع معاذ فيه بحقد وأستحقار××
راااشد والله أن راسك فـــــــاضي وعقلك تعبااااان اللحين وش قلت عشان تهجم علي بها الشكل؟
راشد وهو مليان غضب توك يامعاذ تقول اني مو من مقامه يعني انك.........
قاطعه معاذ وهو يمسك راسه رااشد اللي تتكلم عنه ماضايقني بلاااني ياراشد بلاني بمرض ماله علاج
الصمت كان سيد الموقف راشد يتأمل في لا شيء ومعاذ يهمس بألم ورجاء
راشد هذا ربي هو مقدر ها الشي عندي ياراشد سرطان متقدم كثيييير متخيل اني مريض والله العالم بالغيب ما تقدر لا انا ولا انت نأخر القدر لأني ميت ميت...
راشد مو مستوعب ولا كلمه يطالع بنظره لبعيييد وبدأ يتكلم وصوته ملياااان حزن والم وحسرة
وش يعني يا معاذ بتصير بدون شعر ولا حواجب ولا حتى دقن .. بتصير على سرير ابيض وحولك الاجهزة
وعدتك... معاذ... وعدتك احضر حفل تخرجك الجامعي ووعدتني بعد ماتستقر تتزوج سراب اختي ونصير نسايب وقراب ليه معاااذ ليه وعدتني ليه بتخون الوعد ليه....
حط معاذ ايده على فم راشد
راااااااااااااشد
الخبر ماجاني الا وانا بالملعب ابوي خبرني بموعد الطيارة اللحين ما كنت ادري ان الخبيث يلعب بدمي من زماااااان.. وربي ياراشد انا متألم مو من الالم اللي فيني بسبت المرض لا ياراشد... متألم لاني بفارقكم وماعادي اجي عند باب بيتكم واصيح واخذ تهزيئه منك ولا اجلس مع عمي ابو راشد وابوي في الدكه بقعد ع سرير ابيض وحدي مع الاجهزه ..
مابي اتخيل شكلي وانا اسمع صوت الممرضات في الممرات ولا اسمع صوت تخطيط نبضات القلب ولا شي .. والله أن قلبي بينفجر في مكانه مابي اروح لايطاليا وابعد عن داري وش فيها مستشفيات السعوديه ابي اتعالج هنه على الاقل اموت بالسعوديه ولا برا
ضمه رااشد بقوه وقعد يبكي معاااذ.. يبكي بصوت الحرقه مليانه فيه..
وفجأه خرج ابو راشد يشوف وش الحكايه وراح لهم
وش فيكم عسى ما شر
ترك راشد معاذ وراح ضم ابوه وضل فوقه يبكي مثل الطفل الصغير وقام يتألم ويتكلم..
ابوي يا يبه معاذ ناوي يتركني... ناوي يرحل بدوني ناوي يذبحني يقتلني وانا حي...يا يبه معاذ بيرحل تدري وش يعني بيرحل عني..يعني مافيه ازعاج عند البيت لاصراخ ولا دق الهرن يعني يا بوي مافيه ممثل كومدي يمثلكم وانتم على الدكه وتموتون عليه من الضحك...
حاول يهديه بس من يقدر يدخل قلبه ويحمل همه
اللي بيرحل معاااااااااذ
قام سأل ابو راشد معاذ ولدي وش السالف وانا ابوك
وقله معاااذ كل الحكاايه
نزل راسه ابو راااشد ((أنا لله وانا اليه راجعون))
ماعليك يا ولدي غير الدعاء والصبر والمكتوب هو اللي بيصير ولا اعتراض على قضااااء الله
يايبه انت عارف وش حاس انا فيه هذا صديق عمري من وين اجيب نصه؟؟
راشد ارضى بقضاء الله وقدره لا تجزع وانا وابوك مالك الا تدعيله .. اللحين يا ولدي وين بتتعالج
في إيطاليا ابوي رتب الحجوزات وكل شي بس اقلاعي 6 الفجر...
أبتسم وطالع في راشد ...راشد وأنا ابوك روح مع معاذ سله شوي و......
نط فوق أبوة يبوس راسه ورجلينه وراح لمعاذ وقله وهو ميت فرحه ما مني فكه هههههه
وضحك معااذ ورجع لبيته يرتب شنطته وراح راشد بسرعه ورتب شنطته وأخذ تكسي وراح لمعاذ دخل غرفته وقعد على كنبته وقام يقله معاذ بسألك سؤال بس ماتعصب علي....
وشو..
اللي قاعد تسوه مو حلم أو مزحه عشان تعرف غلاتك عندنا او كذبه عشان نسافر سوى وننبسط هناك
عصب معاذ ونفسه يكفخه بس مايقدر وهو له ايام معدوده معاه
راشد وربي انك فاضي مو قلتلك عقلك خربااااااااان
حزن راشد كان يتمنى شي من خيـــاله بس هذا القدر>>>
الجزء (3)
جاء موعد الرحله وأنطلقوا وركبو الطيارة وأقلعت
*جلس معاذ جنب الشباك وأخذ يتأمل السحب اللي بتختفي والعالم اللي يصغر وكان يتكلم بصوت هااادي
راشد والله اني مبسوط رغم الألم اللي فيني
سكت راشد وستغرب غريبه مسك راشد راس معاذ وهمس له اللحين تحس بلألم معاذ وصوته مليان تعب أيه
قد ايش تتالم
أحس بسكاكين تدخل وتخرج من جسمي أحس كل ضلوعي تعورني أحس راسي بينفجر ويتقطع لأوصال
طالع راشد بحزن ليت فيني ولا فيك
وقام من مقعدة يغسل وجهه الممتلئ دموع وكان ناوي يرجع لمقعدة بس شاف معاذ متكي راسه على القزاز واااضح في ملامح وجهه التعب والالم كان هااادي غير عن طبيعته بسمته اللي ماتخفا ودايم على وجهه.. اللحين صارت بسمه كذابه يتألم من جواته ويحس بالموت بضلوعه معاذ الي كان اشقى اولاد الحارة واذكاهم ...
رجع راشد ماقدر يروح ويشوف معاذ بها الشكل رجع يبكي وصوته يطلع غصب عنه ضل يبكي ويبكي وجلس وضم رجلينه واخذ يدعي وبصوت مهموس..
((يــارب هذا معاذ أخوي وصديقي أبليته بالمرض ..يارب مثل ما أبليته أشفيه مما ابليته وعافه وخفف عنه ألمه فأني لا اتحمل فراقه عني ولا بعده ..
يــارب ساعده على ان يقوى بدنه من جديد ..
يــارب هو صديقي منذ ان عرفت نفسي فيــارب أشفه وخفف عنه وساعده فليس لديه غيرك يــارب))
رجع لمقعدة بعد ما حاول يرجع البسمه على شفاته..
وقبل ما يجلس وقف يتأمل بمعاذ وكان مغمض عينه ومبتسم ابتسامه مخفيه نوعا ما..
طلب له غطاء يغطيه عشان مايضرة المكيف..
وبعد ثلاث ساعات صحي راشد لمن حس بطيارة لمن هبطت...
معاذ قوم وانا اخوك وصلنا ولا مرتاح بنومه..
معاذ قوم لا تثقل نومك معاذ..
مسك أيده و إذ هي باااااردة رمى يده بسرعة وقف بسرعة كأنه أنلسع وصار ما يسمع غير صوت نبضات قلبه السريعة في كل مكان حاس إن قلبه بيطلع من بين صدره..
راح يجري مثل المجنون وشاف ابو معاذ حاول يناديه بس صوته خانه..... حاول يتكلم بس دموعه سبقته حاول يستنجد باقرب اشارة بس منظر معاذ شل كل تحركاته.... وقف ومسك ايد ابو معاذ وبصوت وبالقوة طلع معاذ ياعمي..
جري ابو معاذ لمكان مقعد ولده مسك ايدة وشاف تنفسه...,,,,...,,,...,,
وحط راسه في حجره منهار يبكي....
.معااااذ وانا ابوك لا ترحل ابيك يمي ولدي لاتروح طيب خذني معاك مين يحمل اسمي بعد ما ترحل من لي سند غيرك من وين لي احفاد ينادوني ياجدي....... قاطعه راشد
عمي وشفيك تجننت حنا جايين نعالجه مو نقتله بنعالجه يا عم وبيطيب ويصير احسن من اول
وقف ابو معاذ بتثاقل .. راشد ولدي لاتزيد على همومي يكفي ربي اخذ امانته مالنا غير ندعيله
لااااااالا ياعمي معاذ ما مات وشلون يموت اللحين معاذ يقوم ..قوم يامعاذ لا تذبحني قوم دخيلك اصحى افتح عينك تكفى حرك ايدينك وري ابوك انك حي ما مت
سحبوه اللي بطيارة وحاول يطلعونه صرخ ..اتركوني
فكهم راشد بالقوة وراح شال معاذ شاله بدون روح ولا حياه شاله وهو يبكي بصوت عالي واصل لديرته يسمع الكل بكاه راح وحطه فوق سرير الاسعاف وطاح على الارض منهار يبكي ويصيح مثل طفل صغير ينادي عليه و يتوسله بس اللي يناديه رحل
((لا حياة لمن تنادي))
الجزء(4)
بعد ما رجعوا للشرقية.. وحضر التغسيل والصلاة عليه والدفن..×..
رجع للبيت مرهق تعبان قلبه مليان أسى و الم وحزن رأسه ملياان أفكار××ذكريات ××وعود ××أيام ما يقدر ابد ينساها.. لو عاش دهره كله وبعد أسبوع من النوم المستمر عشان يتهرب من أفكاره صحي من نومه ودخل يغسل وجهه ويخذله كم لقمه لأنه على وشك يغمى عليه وهو خارج من باب الغرفة لقي ورقه على مكتبه أخذها بس ما حاول يفتحها وراح لأمه اللي ماتت من الفرحة لمن شافته وجابتله كل الاكل اللي موجد بالمطبخ ويليه ما تفرح وهو حابس نفسه با لغرفه له أسبوع ماطل سألها وهي تقربله الأكل يمه هذي لقيتها ع مكتبي لمين..؟؟
ياراشد كانت بدلتك اللي جيت فيها من ايطاليا لقيتها يوم كنت بغسل ملابسك
ضحك في نفسه وبانت شوي بملامح وجه وقال في نفسه آه معاذ حطيتها بجيبي من غير ما حس فيك..
وفتح الورقه وليته ما فتحها ...
((محتوى الرساله))
راشد أخوي وعزوتي حبيت اقلك شي بس ابيك تسامحني واذا انك ناوي ما تسامحني لا تقراها
راشد تدري قد ايش اعزك وافضلك من بين كل الشباب ...
بس مرة من المرات حسيت بضيق فضيع حسيته بيقتلني دقيت عجوالك عشرين الف مرة ولا رديت قلت مافيه الا اني اجي لبيتكم واصحيك جيت لبيتك ودقيت الجرس ردت خالتي وطلبتها تصحيك بس قالتلي انا تعبان وماتبي تزعجك رجعت وانا اليأس ماخذ كل مكان بجسمي فكرت بزميلنا احمد ادري انك تكرهه وماتداني اطري اسمه وادري انك متمشكل معاه بسبتي بس هو الوحيد اللي اعرفه رحتله في ديوانيت ابوه جلست مع الشباب صحيح مو طايقهم بس ابي الضيقه توخر عني خرج احمد شوي ورجع وهو يضحك ويقول اللي يبي يعيش جو ولا في الخيال يجرب هذي كانت بيدة ورقه وشي بني مكسر كل واحد راح لاحمد واخذو الورق ولفوه باتقان واخذو يرشفون منه جا عندي احمد وقلي خذها وصدقني ماراح تندم راشد واله اني رفضت بس هو شيطان اغواني لين ماخذيتها
وسرت اخذها بدس عنك لاني ادري لو تدري كان ذبحته وذبحتني معاه ولمن حسيت باني برحل كتبتلك عشان تسامحني وتدعيلي راشد تكفا لا تضايق عمرك هذاني مو مخبي عنك شي وربي الشيطان غواني ولا...........
رمي راشد الورقه ولا حاول يكمل شققها قطعها وصله وصله طلع لغرفته وهو مليان غضب ليه يامعاذ ليه؟؟
ليه ماقلتلي كان عرفت اتصرف معك ومعاه ليه ؟؟
اخذ لحضة صمت وجلس يفكر وشوي جن جنونه وخرج من البيت زي المجنون اخذ مفتاح سيارة ابوة انطلق وكانت سرعته جنونيه وصل لبيت احمد دق الجرس مرة مرتين وشوي رد مين
بغيت احمد لو سمحتي
مو موجود..
رجع لسيارة وهو متحطم كان نفسه يلاقيه وهو ماشي لمحه وهو واقف مع أصحابه وقف سيارته وركضه له جاي احمد يرحبه لكن طب راشد فوق وقعد يضرب فيه لين شالوه أصحابه عنه وقف احمد وهو يضحك بسخريه وش أخبارك وأخبار خويك المدمن هاهاهاي وجاي تتشطر علي
اسمع احمد لاتجيب طاري معاذ على لسانك ولا وربي لقطعه ورميه للكلاب
معاذ خويك خبل مايفهم وش ذنبي اذا كان......
راشد فك نفسه من ايدي اصحاب راشد وطرح احمد في الارض وقعد يضرب فيه لين سال الدم من كل وجهه ومحس راشد الا بوخذة بضهره وقف وهو متالم ناظر في الشباب بس عيونه مليانه غبرة وشوي سحب صاحب احمد السكين وزاد راشد المه
وطعنه طعنه ثانيه وثالثه بصدره طاح راشد على احمد وهمسله احمد تكفى لا تجيب طاري معاذ على لسانك تكفى وطاح راشد وروحه ترحل عن الحياة طاح جثه بلا روح ولا نفس ولا صوت راح راشد ولحق بمعاذ مقدر يتحمل او انه ما حاول يتحمل فراق اعز اصحابه
نادوة الربع ولا حياة احمد جن واخذ يصيح فيه مكان احد متوقع اللي بيصير شاله احمد و أصحابه و أخذوه لأبوة دق الجرس ونزل والد راشد وشاف راشد مغطى بدم راح يناديه يضن انه بغيبوبة و أخذه للمستشفى وهناك كانت الصاعقة على إذن أبو راشد ولدك مات ماله أي نبض جلس يبكي راشد ليه ترحل مو كافي علينا معاااذ آآآه راشد وليدي كيف اصدق انك رحلت هداه الدكتور وغسلوه راشد وصلوا عليه ودفنوه وأبو راشد وأبو معاذ كانوا في حاله يرثى لها مرت ثلاث شهور على وفاتهم وما لقوا اللي طعن راشد و أبو معاذ توفي من الأسى و الأم بالمستشفى تاخذ حبوب مهدئه
من له غيرهم رحلو الاثنين أبو راشد ترك عمله وصار جليس بيته و الأم صارت في عالم ثاني مو في عالم الحياة الواقعية وأخوات راشد كل لحظه تذكروه فيها راشد ماتوا حزن وبكاو الم في اليوم يموتون ألف مرة .........
وانتهى الحال بدمار لم يتوقعوه راشد ومعاذ يوم أول تخرج لهم من الثانوية...
((انتهت))
الثلاثاء 19 فبراير 2008, 14:48
